حسام محمد كامل يكتب : مصر في أفلام زمان
شوف مصر في أفلام زمان
روقان وراحة بال و هدوء ووسعان
و رجالة ببدل شيك وستات غصن بان
وكلام لطيف و أدب في المعاملة كمان
قصص فيها العبر تأليف بديع وريحان
و يوسف بيك وهبي كان راجل جنتلمان
وسُمعة بضحكته تسعد الشقيان
وفريد ومليجي و خناقة في سوق ولا ميدان
وتحية كاريوكا مع شكري سرحان
في شباب امرأة كان طالب غلبان
وقناوي وهنومة بين القطر و القضبان
و منعم وفؤاد و أفكارهم الجنان
و رمزي و يوسف و عوض دي شقاوة الشبان
كتير كتير وغيرهم عدى عليهم زمان
أفلام كتير شفنها و بنشوفها لسه كمان
دي أفلام زمان معيار لحالة وإنسان
عاش بطيبة و كرم و حب وإحسان
ضاعت بين البشر في بحر النسيان
ما شاء الله جميله جدا يا باشمهندس
ردحذفافلام الابيض والاسود احلى افلام
انا بحس احيانا ان ايام زمان كانت ابيض واسود بس